豬蝦旅遊去韓國玩嘅第一站係濟州島！呢個島除咗風景怡人，原來仲有好多新奇嘅體驗俾大家感受韓國人嘅活力！
今次呢條片我哋就會逐一介紹濟州島六大特色遊客景點，無論你係鍾意玩運動定係熱愛文藝活動，相信我哋嘅推介點都會幫到你規劃下一次嘅行程😂
我哋第一站就去咗韓國唯一一個重力賽車場：9.81 Park！因為落雪嘅關係我哋冇得玩室外賽車，不過原來室內都有好多高科技嘅遊戲俾大家盡情玩樂，唯獨是景點有少少偏遠，要由市區花最少半個鐘搭巴士去。
第二站我哋就去咗土土atelier，由當地人親自教導我哋點樣整地道嘅橘子批🍊。呢個工作坊每人盛惠二百幾港元，就可以花大約兩個鐘頭嘅時間由採摘橘子開始，煮食材再包括品嚐我地自己製作嘅甜品，體驗farm to table嘅過程，又好玩又有意思！
第三站我哋就搭的士前往濟州島東北部嘅萬丈窟，亦係世界物質文化遺產之一。有客可以喺大約1公里長嘅隧道入面睇到熔岩形成嘅結構，非常壯觀之餘，亦都學到好多有趣嘅地理知識，好多人都慕名而來㗎！
第四站就嚟到重拾我哋同心嘅Snoopy Garden史努比花園☺️！即使我哋只係夠時間行其中五個主要展區，但係依然能夠大開眼界，喺嗰度食咗下午茶之餘亦都買咗唔少韓國獨家嘅紀念品，體驗一流！
第五站同第六站嘅地點比較偏僻，所以我哋預先喺Klook租借司機一日自駕遊嘅服務。第五站我哋就參觀著名嘅花鳥園，入面有得俾大家親手餵羊駝食嘢，我哋仲意外被一群雀仔包圍，真係夠晒驚喜🤣！
第六站司機就帶我哋去Osulloc綠茶博物館，參觀面積遼闊嘅綠茶園，喺Innisfree專門店選購心頭好，並且喺佢哋嘅Cafe享受一系列嘅綠茶甜品，對於身為綠茶控嘅我哋嚟講係非常難忘嘅重點行程！
講到濟州有咁多好嘢玩，大家都想快啲出發？原來香港都有唔少航空公司開辦直航濟州嘅航班，想去嘅你哋快啲留意幾時有優惠機票啦！
濟州重力賽車場 9.81 Park
1️⃣地址：제주특별자치도 제주시 애월읍 천덕로 880-24
2️⃣開放時間：09:00-18:20
3️⃣費用：成人每人13500韓圜（室內遊戲） *室外重力賽車有機會因為天氣情況而關閉 可以係Klook app預訂門票
土土atelier 橘子批DIY工作坊
1️⃣地址：112 Goseongbuk-gil, Aewol-eup, Jeju-si, Jeju-do, 南韓
2️⃣開放時間：10:00-18:00（星期一休息）
3️⃣費用：成人每人$216港元 可以係Klook app預訂門票
萬丈窟熔岩洞 國家地質公園
1️⃣地址：제주특별자치도 제주시 구좌읍 만장굴길 182
2️⃣開放時間：09:00-18:00
3️⃣費用：成人每人2000韓圜、青少年及兒童1000韓圜 可以係Klook app預訂一日遊方案前往
鍾意我地嘅旅行片記得Comment, Like, Subscribe同share，仲有訂閱之後開啟全部通知呀😚💛
Follow埋我地Instagram睇更多靚相！ ［tonkatsuebitrip］